داعشیش به‌رپرسیارێتی‌ ته‌قینه‌وه‌كه‌ی‌ باشوری‌ به‌غداد له‌ئه‌ستۆ گرت

ته‌قینه‌وه‌ی‌ ئۆتۆمبێلێكی‌ بۆمبرێژكراو له‌ناوچه‌یه‌كی‌ باشوری‌ به‌غداد 94 كوژراو و برینداری‌ لێكه‌وته‌وه‌، داعشیش به‌رپرسیارێتی‌  ته‌قینه‌وه‌كه‌ی‌ له‌ئه‌ستۆ گرت.

سه‌عد مه‌عن، وته‌بێژی‌ ئۆپه‌راسیۆنه‌ سه‌بازییه‌كانی‌ به‌غداد له‌ به‌یاننامه‌یكدا ڕایگه‌یاند، ئێواره‌ی‌ ئه‌مڕۆ ئۆتۆمبیلێكی‌ بۆمبڕێژكراو له‌ ناوچه‌ی‌ به‌یاعی‌ باشووری‌ به‌غداد ته‌قیوه‌ته‌وه‌ و به‌هۆیه‌وه‌ 45 كه‌س كوژراون و 49 كه‌سی‌ تریش برینداربوون.

هه‌ردوای‌ ڕووداوه‌كه‌ش  میدیاكانی‌ عێراق بڵاویانكرده‌وه‌ ، رێكخراوی‌ تیرۆرستی‌ داعش به‌رپرسیارێتی‌ خۆی‌ له‌ ئه‌نجامدانی‌ ئه‌و ته‌قینه‌وه‌یه‌ ڕاگه‌یاندوه‌.

ئه‌و ته‌قینه‌وه‌ی له‌كاتێكدایه‌، هه‌رئه‌مڕۆ هێزه‌ ئه‌منیه‌كانی‌ به‌غداد دوو هه‌وڵی‌ تیرۆرستیان له‌و شاره‌ پوچه‌ڵكرده‌وه‌ و دوو تیرۆرستیشیان ده‌ستگیركرد، كه‌ به‌نیازی‌ ئه‌نجامدانی‌ كرده‌وه‌ی‌ خۆكوژی‌ بوون.
..............